SHPËRNDAJE

Edhe pse Bayern Munich mori në fundjavë një fitore të madhe ndaj Borussia Dortmundit më rezultat 5-0, problemet brenda skuadrës janë kthyer.

Robert Lewandowski dhe Kingsley Coman, në stërvitjen e sotme kanë pasur dhe konflikt fizik.

Edhe pse stërvitja ka qenë me dyer të mbyllura dyshja kanë qenë protagonist të një momenti negativ sipas ‘Bild’.

Ka qenë sulmues polak që ka kritikuar francezin dhe fjalët nuk janë ndalur kundrejt njëri-tjetrit, duke kaluar edhe në ofendime.

Pas përplasjes verbale, dy futbollistët nuk i kanë kursyer as grushtet.

Situata ka qenë aq e rëndë sa që mbrojtësit Jerome Boateng dhe Niklas Sule, kanë vrapuar që ta ndalin sherrin. U desh të futën në mes edhe shumë lojtarë të tjerë që sherri të ndalet.

Kanë mbetur edhe gjashtë javë deri në fund të sezonit, kur klubi bavarez pritet të bëjë ndryshime të shumta.

Sa i përket rastit klubi ende nuk është prononcuar.