SHPËRNDAJE

Kryetari i Partisë së Pavarur Liberale Serbe (SLS), Sllobodan Petroviq, i është drejtuar me një letër të hapur presidentit të Serbisë Aleksandar Vuçiq, pas sulmeve publike që i kishte bërë ky i fundit lidhur me votimin e tij për ushtrinë e Kosovës, duke thënë se ditën kur është bërë votimi ai ka qenë në Paris dhe jo në Kuvend.

I pari i SLS, parti kjo e cila së fundi ka marrë drejtimin e Ministrisë së Bujqësisë, pas shkarkimit të Nenad Rikallos nga Lista Serbe, ka akuzuar Vuçiqin se po justifikon dështimet e Listës Serbe duke e sulmuar atë si kryetar të SLS.

“Po ju drejtohem juve këtë letër të hapur, jo për ju personalisht, por mbi të gjitha për shkak të publikut që ju denigroni për ditë, javë dhe muaj, duke e provuar qartë anën tuaj, si dhe dështimin e Listës Serbe, duke justifikuar këtë duke më sulmuar.

Nuk dua të hyj në atë nëse po e bëni me vetëdije dhe me qëllim, ose disa nga autoritetet tuaja, këshilltarët tuaj ose përfaqësuesit e Listës Serbe janë keqinformuar, por unë nuk mendoj se është serioze që presidenti i një shteti të bëjë informacione të pavërteta dhe të mashtrojë publikun. Vetëm në javën e fundit e keni përmendur emrin tim tre herë dhe keni thënë tri herë se nuk jeni të vërtetë”, shkruan Petroviq në letrën e tij.

“Unë mund të kthehesha muaj më herët për të numëruar të pavërtetat tuaja për mua, siç ishte ajo që unë isha në Kuvendin e Kosovës duke mbështetur formimin e Ushtrisë së Kosovës, megjithëse në atë ditë kur votova për ligjet që kishin të bënin me Forcën e Sigurisë së Kosovës, isha në Paris, por shpresoj se kjo është e mjaftueshme për tani.

Sinqerisht, mendova se pas vrasjes së Oliver Ivanoviqit, ju mësuat një mësim dhe se ju do të ndalonit të gënjyer për etiketimin dhe tërheqjen e objektivave për kundërshtarët tuaj politikë, por unë duket se kam gabuar në lidhje me të”, vazhdon Petroviq letrën e tij drejtuar kreut të Serbisë.

Ai ka demantuar pohimet e Vuçiq se ka votuar pro platformës së Kuvendit të Kosovës për dialogun me Serbinë, duke thënë se ka abstenuar në seancë, gjë e cila është shumë lehtë për ta verifikuar. Petroviq po ashtu hedh poshtë pretendimet e Vuçiq se ka bërë kuorum në seancën e Kuvendit të Kosovës me rastin e miratimit të platformës, duke thënë se atë ditë kanë qenët të pranishëm deputetë të mjaftueshëm, të cilët edhe pa praninë e tij do ta bënin kuorumin.

Ndërsa, ka përsëritur se ministrja e re e Bujqësisë Diana Zhiviq nuk është organizatore e protestave “1 në 5 milionë” në Graçanicë, dhe se Vuçiq nuk është duke thënë të vërtetën. Petroviq ka siguruar presidentin serb Vuçiq se sikur SLS të organizonte protesta në Graçanicë, do të merrnin pjesë mijëra njerëz dhe jo vetëm pesë-gjashtë sish.