SHPËRNDAJE

Lojtari më i mirë në botë, sulmuesi i Real Madridit ka lansuar një revistë digjitale “eMagazine” për fansat e tij.

Në numrin e parë të kësaj reviste digjitale e cila është publikuar këtë javë, do të ketë intervju ekskluzive për Alex Ferguson, ish trajnerin e Manchester United, fotografi ekskluzive nga gala mbërmja e ndarjes së çmimit të “Topit të artë”, fotografi nga ditëlindja e Ronaldos edhe shumë surpriza të tjera.

Për të krijuar këtë aplikacion, i cili mund të përdoret edhe në telefonat e mençur me iOs dhe android si dhe tablet, pjesë e këtij projekti ka qenë edhe preshevari Genc Hasani.

Genci në një bisedë me presheva.com, ka thënë se ai ka qenë pjesë e këtij projekti, duke punuar në interakivitet, në teknologjinë më të re që tashmë po përdoret kohën e fundit për magazinat online.

“Ka qenë një përvojë e veçant dhe e re për mua, që të punoj në një ekip të madh dhe shumë të mirë. Ronaldo këtë e ka krijuar për fansat e tij, që në njëfar mënyre të jetë edhe më i afërt me ta. Ai së shpejti do të prezantoj edhe aplikacionin për telefona mobil, pjesë e së cilës jam edhe unë” ka thënë Genci për presheva.com.

Përndryshe, i tërë projekti është kryer nga kompania zviceran “Go Group”. /presheva.com/