KISHKL: Kosovës Lindore nuk i nevojitet formimi i Këshillit Nacional të bazuar në ligjet e Zhablakut

Bujanoc, 21 gusht Këshilli për Integrimin e Shqiptarëve të Kosovës Lindore , nëpërmes një reagimi i’a bën me dije Rasim Lajiqit ministrit e të drejtave të njëriut dhe pakicave në SMZ, se është formuar Këshilli për Integrimin e Shqiptarëve të Kosovës Lindore më 2 korrik 2005, me seli në Bujanoc, ku ka pasur rastin që të njoftohet nëpërmes informimit për themelimin e sajë.  Kosovës Lindore nuk i nevojitet formimi i Këshilli Nacional të bazuar me ligjet e zhablakut, sepse këshillat për të cilat pretendon ai, janë bërë më të demoduar, duke e marrë parasysh se kanë kaluar periudhat e errëta, të ligjeve të imponuara me dhunë dhe se ka ardhur koha të jetojhet në proceset e ndryshimeve dhe integrimeve, ku të gjithë popujt do të integrohen në shoqëritë multietnike, multikulturore dhe multifetare. Në reagimin e KISHKL-së të nënshkruar nga kryetari Sali Salihu gjithashtu thuhet se, nuk mund të themelohet Këshilli Nacional i shqiptarëve të Kosovës Lindore, sepse kjo ide është vonuar shumë nga lojërat politike të koordinuara në kuzhinën speciale, për ti ngulfatur kërkesat dhe të drejtat e kësaj popullate.  Andaj, si pasojë e kësaj politike degjeneruese u themelua Këshilli për Integrimin e Shqiptarëve në Kosovën Lindore, me qëllim që ti përfaqësoj interesat dhe kërkesat legjitime të popullit shqiptarë, duke u bazuar në vullnetin e popullit të shprehur gjatë  Referendumit të 1 dhe 2 marsit të vitit 1992, ku populli doli masovikisht dhe i thanë po Referendumit, për autonomi territoriale politike me të drejtë bashkëngjitjen me Kosovën. Ditë më parë ministri i larpërmendur i ka bërë ftesë shqiptarëve të Kosovës Lindore që të formojnë Këshillin Nacional të shqiptarëve të Kosovës Lindore sipas ligjeve të Serbisë, gjë të cilën Partia Demokratike Shqiptarë, PDSH dhe Lëvizja e Progresit Demokratik, LPD gjatë tërë kohës e kanë kundërshtuar, ku më vonë iu bashkangjit edhe KISHKL, duke potencuar se ky ligj nuk i mundëson që shqiptarët e këtij rajoni ti gëzojnë të drejtat e tyre legjitime.

Mukarrem Ahmeti