SHBA-të nuk e mbështesin përfshirjen e çështjes së Luginës së Preshevës në zgjidhjen e statusit të Kosovës

Bujanoc, 9 nëntor (presheva.com) – Ambasadori amerikan në Serbi dhe Mal të Zi, Majkëll Polt ka deklaruar se çështja e jugut të Serbisë nuk mund të ndërlidhet me problemin e statusit të Kosovës. Ai e deklaroi këtë të mërkurën në Bujanoc gjatë seancës së kryesisë së Trupit Koordinues për Preshevë, Bujanoc dhe Medvegjë; ku mori pjesë gjithashtu Ministri i Punëve të Brendshme të Republikës së Serbisë, Dragan Joçiqi. “Në asnjë moment nuk mund të ndërlidhet zgjidhja e statusit të Kosovës me jugun e Serbisë, meqë këto dy probleme do të zgjidhen ndarazi dhe në dy mënyra të ndryshme”, ka pohuar ambasadori amerikan.