Ndërpritet mbledhja e këshilltarëve komunalë shqiptarë të Luginës së Preshevës për shkak të vdekjes së Ibrahim Rugovës

Bujanoc, 21 janar (presheva.com) -  Për shkak të vdekjes së Kryetarit të Kosovës, Ibrahim Rugova është ndërprerë të shtunën mbledhja e të gjithë këshilltarëve shqiptarë të Kuvendeve Komunale të Bujanocit, Preshevës e Medvegjës, në të cilën është dashur të iniciohet themelimi i Këshillit Nacional të shqiptarëve nga Lugina e Preshevës. Mbledhja është mbajtur në sallën e Kuvendit Komunal të Bujanocit dhe në të kanë marrë pjesë të gjithë 66 këshilltarët shqiptarë nga Bujanoci, Presheva e Medvegja; si dhe 15 anëtarë të cilët i kanë propozuar tri shoqatat e dala nga UÇPMB-ja. “Nuk ia kemi dalur të miratojmë asgjë, mbledhja tek ka filluar dhe kanë parashtruar vetëm përfaqësuesit e të gjitha partive politike, kur morëm lajmin për vdekjen e Rugovës”, ka thënë për agjencinë “Beta”, kryetari i Partisë Demokratike  Shqiptare (PDSH), Ragmi Mustafa duke shtuar se nuk është caktuar data për vazhdimin e mbledhjes por, siç ka shtuar ai, “kjo me siguri do të bëhet së shpejti”.