Prorokoviqi thotë se radikalizimi i kërkesave të liderëve shqiptarë të Luginës së Preshevës mund ta nxis ekstremizmin

Beograd, 9 janar (presheva.com) – Kryetari i Këshillit të Kuvendit të Serbisë për Kosovën, Dushan Prorokoviqi ka deklaruar se ideja për pjesëmarrjen e shqiptarëve të jugut të Serbisë në grupin negociues të Kosovës është menduar në Prishtinë.  “Nuk e kam vërejtur se ndokush nga bashkësia ndërkombëtare është i interesuar për këtë çështje; por njerëzit nga Presheva, Bujanoci dhe Medvegja e shfrytëzojnë këtë për të bërë presion ndaj Beogradit”, ka thënë ai të hënën për “B92”. Sipas Prorokoviqit, liderët shqiptarë nga jugu i Serbisë luajnë me zjarrin meqë sipas tij “radikalizimi i kërkesave të tyre mund ta nxit sërish ekstremizmin”. “Nuk mund të tërhiqet assesi një paralele e pozitës së shqiptarëve të Luginës së Preshevës me atë të serbëve në Kosovë”, ka thënë kryetari i Këshillit të Kuvendit të Serbisë për Kosovën duke shtuar se popullata shqiptare në këto tri komuna gëzon të drejta të pakrahasueshme me ato të serbëve të Kosovës.