10 vite me Presheva.com

Të nderuar vizitorë

Është kënaqësi e veçantë për ne që të mundemi së bashku me Ju të kremtojmë sot dhjetëvjetorin e themelimit të www.presheva.com-it.
As ne, themeluesit e djeshëm dhe stafi i sotshëm, nuk kemi menduar se do të jemi aty ku jemi.
Gjatë kësaj periudhe, natyrshëm, kemi kaluar nëpër shumë sfida, pa të cilat gjithsesi se nuk do ta kishim ndërtuar të tanishmen.
Presheva.com-i nuk do ishte i tillë po qe se nuk do të ishte vullneti dhe puna e stafit të tij, por edhe mbështetja sistematike e Juaj.
Kjo vetëm e vërteton suksesin e përbashkët.
Urime dhe ju faleminderit!
Stafi i www.presheva.com-it

Me rastin e 10 vjetorit të presheva.com

Bashkimi Demokratik i Luginës - BDL
Bashkimi Demokratik i Luginës BDL në programin e vet politik përfshinë edhe institucionin e lirisë së shprehjes së mendimit, gjë e cila duhet përkrahur në çdo mënyrë.
Andaj në bazë të këtij parimi ne si subjekt politik mediumit elektronik presheva.com ua urojmë dhjetëvjetorin jubilar të punës së palodhshme që kanë treguar stafi i këtij sajti elektronik, dhe në të njëjtën kohë shpresojmë që edhe në të ardhmen do të vazhdoni të njëjtin ritëm mediatiko-gazetaresk.


Xhemaludin Hasani ( Myfti i Bashkësisë Islame për Preshevë Bujanoc dhe Medvegjë)
Dhjetë vjetori i veprimtarisë së presheva.comit është i rëndësishëm për të gjithë neve. Të gjithë jemi dëshmitarë se presheva.comi gjatë këtyre dhjetë vjetëve ka dëshmuar se është bërë një medium elektronik ku të gjithë kanë mundësi të shprehin mendimin e lirë. Kaluam një kohë kur mediumet elektronike në Luginën e Preshevës i shërbenin diktatit të atyre që i mbanin në kontrollë. Ishte fatkeqësi e madhe kur mediumet në vend se të jenë të hapura dhe transparent për të gjithë ato bëheshin zëdhënëse dhe monopol të atyre që i kontrollonin.
Është meritë e punës serioze e stafit të presheva.comit të cilët e thyen këtë monopol duke qenë të hapur dhe transparent për të gjith neve, pa marrë parasysh ngjyrymet dhe bindjet e subjekteve të ndryshme. Presheva.comi me objektivitetin e saj konfirmoi se kur ekziston vullneti mund të kultivohen vlera të mirëfillta demokratike në një mjedis kur të tjerët e synojnë monopolin dhe kontrollin.
Urojmë që presheva.comi të përjetoj edhe shumë përvjetorë tjerë si ky. Stafit të presheva.comit i dëshirojmë suksese me shpresë se do të vazhdoj veprimtarinë e vet me qëllim që të kontribuoj në ngritjen e vlerave të mirëfillta për një shoqëri të hapur dhe demokrarike.
 

Dr. Adnan Ahmedi, (teolog, imam në Xhaminë e Ibrahim Pashës, Preshevë):
Ka shumë gjëra që të lënë përshtypje të thella në mendje. Gurbeti është ai që ndonjeherë edhe pse është i vështirë të mbjell fryte të dobishëm që i korr në të ardhmen. Periudha e studimeve të mia në Kairo është periudha që më la mbresë të pashlyeshme në jetën time, frytet e saja vazhdoj t’i korri edhe sot e kësaj dite. Gjatë kësaj periudhe kisha një vend, një tokë, truall që vazhdimisht mendja më lidhte me të, kjo është vendlindja ime Presheva që se harroja kurrë. Në vitet e para të studimit mallin për të ma zbuste fotoja që e kasha varur në mur. Në mëngjes teksa po zgjohesha shiqimin e parë e drejtoja kah kajo, por me kalimin e kohës foton e zëvendësoi një tjetër foto, madje edhe më e mirë e çdo ditë me fotografi të reja e të pastërta. Ishte kjo faqja e internetit www.presheva.com e cila me vite ma largoi brengën për atdhe. Ishte urëlidhëse e imja me vendlindjen, madje edhe me familjen time të dashur. Në të zgjuar tashti sytë i hedhja tek fotoja por mendjen e kisha në lajmet që i sjellte kjo faqe. Me të vertëtë meriton shumë lavdrata stafi i saj realizues, elhamdulil-lah tani shqiptarët e Preshevës në mbarë botën mund të mësojnë për vendin e tyre të pazëvendësueshëm. Por nuk duhet harruar se edhe tani gjersa jetoj dhe jam imam këtu në Preshevë, prapë shumë lajme për herë të parë mësoj nga kjo faqe e cila ka merita të veçanta. Andaj edhe njëhërë shpreh falenderimet e mia personale dhe lus All-llahun xh.sh. t’ju japë edhe më tej forcë dhe vullnet në realizimin e planeve të mëtutjeshme.

Hasan Emërllahu (kryetar, Shoqata e Qytetarëve të Luginës së Preshevës në Kosovë)
presheva.com - Dritare Informimi që shkëlqen përherë
Urime dhe përgëzime për të arriturat gjatë kësaj dekade të parë (1997-2007) me dëshira më të mëdha e të sinqerta që puna, veprimtaria dhe synimet tuaja të shkojnë drejt sukseseve të reja në informim dhe komunikim
Ju përgëzon dhe uron Shoqata e Qytetarëve të Luginë së Preshevës në Kosovë
Ishte ajo kohë e rëndë politike. Kohë lufte e tmerri. Kohë humbje shpresash. Kohë e rrëfeve trishtuese që kishin mbuluar qiellin dhe tokën me një vello terri të trashë e të murrëm të informimit. Njerëzit informoheshin prej fjalëve të njëri-tjetrit, prej atyre fjalëve që më vonë nuk u besonin as vet?!...
Viti 1997, kur në vendin tonë për herë të parë lindi komunikimi në internet, lindi edhe Agjensioni informativ i Presheva.com-it. Pra, lindi shpresa jonë e madhe. U hap dritarja e parë që nga hapsira e saj, sado që ishte e ngushtë, shkëlqyen tufa rruzesh informimi anë e kënd botës.
Stafi i Presheva.com, atë botë, edhe pse nuk kishte eksperiencë të madhe, u përball me shumë sfida, por që në fillim doli sfidues. Doli fitues sepse nuk ankohej nëpër taset e kandarëve të pushtetit aktual serb, por as të interesave të partive të shumta që rrahnin ujë në havan, kinse janë të parët dhe të vetmit që luftojnë për popull, për atdhe dhe për ardhmëri ku do të valonte flamuri i lirisë së pritur me shekuj. Politika e preshava.com-it që udhëhiqej atherë e tash, ishte drejtë, e pa anshme dhe shumë e sinqertë. Bravo, stafit të bordit, redaktuesve, përpiluesve të teksteve, bravo gjithë atyre që kontribuan aq shumë e aq mirë, aq guximshëm dhe shumë avancues në qëllimet e tyre.
Me këtë rast, të përvjetorit të dhjetë, të një decenie të ikur plot sfida por edhe shumë suksese, në emër të Shoqatës së Qytetarëve të Luginë së Preshevës (që jetojnë, punojnë dhe veprojnë) në Kosovë, Kryesia e kësaj Shoqate, me plot përzemërsi e përkushtim shpirtëror, Agjensionit Presheva.com, këtoj asociacioni shumë të lartë informativ, ua uron dhjetë vjetorin e parë të punës së palodhshme, të përpjekjeve maksimale që mban edhe mëtej flamurin e sukseseve, të luftës kundër cdo të keqe që shfaqet në shoqëri, të synimeve të mëdha për ngritjen e nivelit sa më të lartë në informim, arsimim, edukim, kreativitet dhe mbarëvajtje të shkëlqyeshme anë e kënd gjithë njerëzimit të botës po edhe të shqiptarëve kudo që ata gjenden dhe bëjnë jetë e vet të lirë e të begatshme.
Por, suksesi i presheva.com, nuk do të ishte vetëm i juaji po të mos ishte Armata e madhe e lexuesve dhe përciellësve të paraqitjeve tuaja. Sot mbi 1 milion e 800 mijë abonent janë krenaria e popullit shqiptar dhe gjithë dashamirësve tjerë që po e përcjellin programin tuaj. Kjo është krenaria juaj, jona dhe e të gjithëve.
Presheva.com më nuk do të thosha se është një dritare e ngushtë, por tash është bërë një pallat i ndërtuar prej atyre rrezeve magjike të informimit, ku nga shumë shtresa të intelektualëve të qytetarëve të sktrukturave të ndryshme: pionerë, nxënës, studentë, punëtorë krahu, punëtorë arsimor, shëndetsorë, sportistë, mjekë, inxhinierë, ushtarakë, luftëtarë, profesorë, doktor shkencash, akademikë e të tjerë, janë bërë robër të Presheva.com, sepse atë e donë, atë e lexojnë, me atë komunikojnë që nga kafja e parë e mëngjesit e deri në orët e vona të mbrëmjes.
Presheva.com ka armatën dhe adhuruesit e saj më të denjë të diasporës, të qytetarëve ambasadorë ndërlidhës të shteteve ku jetojnë, punojnë e veprojnë. Ambasadorë të komunikimit me popuj të ndryshëm anë e mbanë rruzullit toksorë, të kontineteve dhe rajoneve sfiduese, sepse ata komunikojnë dhe shpërndajnë të vërtetën e fatit të kombit shqiptar, të vuajteve dhe gëzimeve, të traditave kombëtare, janë ndërlidhës për kultivimin e miqësive të shumta mes veti, pa harruar se edhe ëndërrat e tyre që i shohin gati cdo natë, i shohin për vendlindjen e tyre, për pragun e shtëpisë së mbetur shkretë, për varret e stërgjyshërve që të harruar thua se kanë mbetë.
Por, Presheva.com, kjo dritare si ylber, mërgimtarëve gëzim u sjell dhe lotët e mallit sy ua terë.
Edhe Shoqata jonë është ndër adhuruesit më të denjë të këtij asociacioni informativ, sepse kur antarët e saj takohen, tashmë, më rrallë përmendin lajmet që thithin nga mediat, qofshin të shkruara apo ato që shkojnë në eter, por përmendet presheva.com dhe asaj që i besojnë.
Edhe unë si kryetar i kësaj Shoqate të Qytetarëve të Luginës së Preshevës, as më pak e as më shumë se antarët tjerë, jam pasionues, përcjell dhe së pari hapi dritaren e presheva.com e pastaj pi kafene dhe cigaren e them: Presheva.com është e para.
Pra, Urime, urime dhe shumë suksese edhe në të ardhmen, me dëshirën më të flakët që Presheva.com të jetë zëdhënësja e parë për pavarsinë e Kosovës po edhe të Luginës së Preshevës e gjithë shqiptarëve kudo që gjenden ata.
Urime e Gëzuar.

Florie Ahmedi (RTV Aldi, redaktore):
Me shumë rrespekt stafi i Rtv Ald-it i uron presheva.com dhjetë vjetorin e punës së këtij stafi, të cilët gjatë gjithë kohës janë në përcjelljen e gjithë shqiptarëve kudo që janë me infomimin e tyre të saktë e të shpejtë. Kjo web faqe ka shpalosur shumë mendime të intelektualëve të cilëve iu ështe cunguar liria e fjalës për një periudhe të gjatë , andaj është e udhës te themi se ky staf meriton edhe më shumë lëvdërata sepse gjithnjë kanë qenë dhe janë të besueshëm dhe korrekt në aspektin e trajtimit e të gjitha ngjarjeve aktuale ku shqiptarët nuk kishin mundësi te informoheshin në menyrën më të drejtë dhe pa trillime . Urojmë që bashkëpunimi juaj me ne të vazhdoje edhe për shumë vite.

Nexhmedin Saqipi, (kryetar i Partisë Demokratike Kombëtare):
Me rastin e 10 vjetorit të webportalit www.presheva.com , në emër të Partisë Demokratike Kombëtare, i shprehi mirënjohje dhe falënderime stafit të “Presheva .com-it”, për kontributin e dhënë në sferën e informimit për interesat kombëtar të rajonit të Kosovës Lindore. Stafi i “Presheva.com-it” ka treguar një metodologji dinamike dhe organizative si dhe shumë aktive për ta ruajtur frymën e informimit, edhe pse nuk ekziston ndonjë formulë magjike e cila mund t i zbulojë tërësisht sekretet informative. Udhëheqësit e këtij stafi janë treguar unik dhe revolucionarë në aspektin e përgatitjes dhe plasimit të informatave për ta drejtuar ardhmërinë e njerëzve që të bartin përgjegjësi. Shpresojmë se edhe në të ardhmen, www.presheva.com-i me pavarësinë e tij redaktuese , do të arrijë që t i mbijetojë të gjitha barrierat destruktive të cilat ende kanë dëshirë popullin tw Kosovws Lindore ta mbajnë në terrin informativ.
Vetëm me një vullnet të forte dhe me qëllim të mire, edhe më shumë vite Presheva com-i do të qëndroj pranë opinionit vendor dhe ndërkombëtarë gjer në realizimin e arritjes së qëllimit të informimit, për çfarë edhe është themeluar kjo dritare informative.
 

Dr.Skender Destani (Kryetar i Bashkimit Demokratit të Luginës):
Së pari ju uroj për dhjetë vjetorin e presheva.com-it. Eshtë njëri nga mediat elektronike e parë në gjuhën shqipe në Luginë të Preshevës. Përvec aspektit politik, presheva.com ka pasë rëndësi të madhe në zhvillimet edhe në lëmitë tjera, si në shëndetësi, arsim, kulturë, por cka është edhe më e rëndësishmja, si media informative shqiptare, mendoj se e ka kry me përpikmëri detyrën për të cilën është formuar, edhe pse normalisht si cdo media, edhe presheva.com-i, sipas kuteve të partive poltike ka pasur kritika në punën e saj, mirëpo, personalisht
unë, si kryetar i një partie politike, asnjëherë nuk kam parë  njëanshmëri në informimin e presheva.com-it, dhe jam mjaft i kënaqur me veprimtarinë e saj. Edhe në të ardhmen ju dëshiroj edhe suksese më të mëdha dhe punë të mbarë juve të gjithë që kujdeseni për presheva.com.

Belgzim Kamberi (gazetar)
Dhjetë vjetët e presheva.com-it nuk janë vetëm sinonim i mbijetesës së një pune, e cila për të vetmin burim kishte vullnetin dhe dëshirën; por edhe shembull tregues se këto mund të mjaftojnë për ta ndërtuar një model mediumi, i cili udhëhiqet nga një kulturë e respektimit të diversiteteve, para së gjithash, të mendimit dhe të fjalës.
Urime !

Metali Krasniqi (Revista Perspektiva, gazetar)
Kam kënaqësinë, që në emër të revistës javore “Perspektiva”, t’ju përgëzoj për përvjetorin e 10-të dhe t’ju dëshiroj suksese të reja. Presheva.com, vërtet meriton një respekt të madh e cila me angazhimin e sinqertë të drejtuesve të saj ka arritur të bëhet një wep-faqe prestigjioze, gjithnjë, në shërbim të informimit real dhe korrekt. Me temat e larmishme informative, kulturore, ekonomike, politike etj. Presheva.com është bërë një dritare e hapur për të gjithë. Kjo faqe e internetit, jo rastësisht nga një anketë u radhit nga më të parat për besueshmëri. Presheva.com duke raportuar për tema nga ngjarjet më aktuale nga Lugina e Preshevës, ku rrjedh jeta, për kulturën, arsimin, ekologjinë, shëndetësinë, ngjarjet sportive me kohë, më ërgjegjësi, objektivisht dhe me një shkallë të lartë profesionale, ajo është bërë një dritare e mirëbesimit dhe i respektit. Suksese në rrugën e mëtejme!

M.Mumin Tahiri, (Kryetar i K.B.Islame të Kosovës në Preshevë):
Përurojmë Presheva.com në vigjilie të 10-të vjetorit të startimit të saj me web.faqen e saj në internet. Sdomend se kjo web.faqe është një dritare nëpër të cilën depërtojnë rrezet e drejtinformimit nga këndvështrime të ndryshme. Lajmet,opinionet,komentet si dhe rubrikat tjera e bëjnë më të bujshme dhe më të pasura me tematika të nduarnduarshme. Me anë të Presheva.com-it edhe vet emri i Luginës së Preshevës është bërë më i njohur anëkënd rruzullit tokësor .Drejtëinformimi është i një motivacion për dashamirët e fjalës së shkruar që të japin kontributin e tyre në këtë fushë.
Urojmë që edhe e tutje Presheva.com do të vazhdon me kryerjen me dinjitet të plotë misionin e saj e që është drejtëinformimi i opinionit të gjerë . Me nderime e respekt.

Riza Halimi (Kryetar i Partisë për Veprim Demokratik) :
Mendoj se është një përvjetor i rëndësishëm, dhjetë vjet punë përgjithësisht për cdo veprimtari është periudhë e gjatë ku kërkohet angazhim i madh, thjesht në kuadër të zhvillimit të mediave në përgjithësi të cilat ne në të kaluarën kemi pasë pengesa të mëdha, kemi qenë të reduktuar tej mase, është edhe presheva.com që ka dhënë një kontribut të madh në zhvillimin e mediave të lira ku ka pasë mundësi në këtë periudhë të ballafaqohen me pengesa të ndryshme. Mund të thuhet se është një kthesë nga faza e një informimi monotone që kemi pasë të kaluarën dhe që ka ekzistuar dhe tej mase të reduktuar, pra në kuadër të një zhvillimi të përgjthshëm të mediave, mund të thuhet lirisht se presheva.com ka një kontribut substancial dhe besoj se do të vazhdojë në këtë drejtim edhe në të ardhmen. Ju uroj sukses dhe një zhvillim më të hovshëm.

Zeqirja Fazliu (ish kryetar i PDSH):
Presheva.com si agjensi informative në fillim nuk ishte e njohur për ne, por me kohë i ra në sy opinionit publik në vecanti njerzve të rinj të cilët bënin përcjellje permanente, edhe prej ditës në ditë, prej muajit në muaj si dhe prej vitit në vit kjo gjithnjë u afirmua edhe më tepër. Ishte një informim i denjë, që bënte tërheqjen e opinionit publik jo vetëm tek ne Kosovën Lindore, Preshevë, Bujanoc dhe Medvegjë, por edhe për të gjithë bashkatdhetarët tanë kudo që jetojnë të cilët qaseshin këtij informimi autentik, të cilët edhe kohë pas kohe merrnin pjesë me reagime të denja, kështu që ky burim informativ u bë shumë interesant edhe për njerëzit e jashtëm. Unë kam të dhëna se dëshmitë e qasjeve në presheva.com kanë qenë dhe mbeten në rritje e sipër, mu për shkak të informatave autoktone që mund t'i gjejnë aty dhe të qasen.

Sevdail Hyseni (Klubi i Gazetarëve "Etika")
Përgëzime në përvjetorin e 10-të të presheva.com-it
NE JEMI ME JU!
Kemi kënaqësinë t'ju përgëzojmë për këtë jubilar dhe t'ju dëshirojmë suksese në rrugën e informimit të drejtë, të shpejtë dhe korrekt. Prsheva.com, është një dritare që përhap lajme nga
Lugina dhe më gjerë, nëpër gjitha hapësirat ballkanike dhe evropiane, duke depërtuar atje ku punojnë dhe veprojnë shqiptarët. Ata me padurim hapin dritaret e kësaj wep-faqeje për të mësuar nga afër për ngjarjet rreth Luginës së Preshevës, kësaj Degë të ndezur të Arbrit. Duke marrë parasysh rolin dhe rëndësinë që ka sot informimi presheva.com-it i dëshirojmë rrugë të mbarë në avancimin dhe promovimin e mendimit të lirë të shprehjes në ndërtimin e rendit demokratik, funksionimin demokratik të institucioneve dhe pluralizmit politik dhe medial.
Ju dëshirojmë suksese të reja në këtë mision sa të vështirë aq edhe të shenjtë. NE JEMI ME JU!

Jonuz Musliu (kryetar i LPD):
Lëvizja e Progresit Demokratik, përgëzon 10 vjetorin e themelimit të presheva.com-it, si dhe angazhimit të saj për informim të drejtë pa anim dhe cenzurë, si dhe për një raportim korrekt.
Një decenie presheva.com, na ka informuar për zhvillimet politike, kulturore, ekonomike, shëndetësore dhe informative në vend dhe rajon. Kjo web-faqe është shndërruar në zëdhënës medial të ndodhive në Luginë dhe më gjerë, duke na informuar në mënyrë profesionale. Në kohën kur mediumet, në mënyrë të hapur dhe tendencioze kanë devijuar nga parimi i neutralitetit politik, parim që do të duhej të karakterizonte mediumet publike të mirëfillta dhe profesionale, presheva.com, qëndroi vertikalisht në shërbim të informimit të drejtë dhe objektiv për të gjithë qytetarët e Luginës së Preshevës. Jemi thellësisht të bindur se forcimi i mëtejmë i pavarësisë editoriale dhe financiare të presheva.com-it, është interesi vital i të gjithë qytetarëve të Luginës, e me këtë edhe i spektrit politik të saj. LPD i dëshiron presheva.com-it, jetë të gjatë dhe veprimtari të suksesshme në fushën e informimit. Suksese!
 

Halil Selimi (ish-Anëtar i Këshillit politik për Preshevë, Bujanoc dhe Medvegjë)
Per mua ky website ka rendesine e veçantë. I larguar prej 14 fizikisht nga vendlinja ime e dashur dhe e pazevendesueshme, ketu gjeta portalin e kapercimit dhe reflektimit te vazhdueshem si preokupim, angazhim dhe shmallje! Me pershendetje respekti e dashmiresie, Ju uroj suksese te vazhdueshme! Perzemersisht.

(Organizata e Veteraneve te Luftes se UÇPMB-se, Kshilli per informim i OVL-UÇPMB):
Urime 10 vjetori i webit tuaj dhe i yni, them edhe i yni sepse gjithëhere patët mundesinë të publikoni komunikatat dhe të gjitha informaionet tona që deshem ti ndajmë me qytetarët shqiptarë anekend rruzullit tokësor. Për web-in tuaj kemi vetem fjalë të mira dhe falënderime, ngase po beni një punë të palodhëshme, dhe të gjithë ata që dojnë të dijne për Kosovën Lindore dhe rrjedhat e jetës qoftë politike, sociale apo të (pa)sigurisë mund të informohen nga webi juaj, drejt dhe pa cenzure... Shpresojme se kjo "dritare" të ketë jetë sa më te gjatë dhe njeherit të keni mbështetje nga të gjithe ata që ia dojne të mirën informimit të drejt. Me nderime dhe plot urime.

Nagip Arifi (Kryetar i Komunës së Bujanocës):
Për disa vite me radhë presheva.com ka qenë e vetmja dritare e informimit nga Lugina e Preshevës. Presheva.com ka fituar rrespektin dhe rëndësinë në popullatën e Luginës së Preshevës me lajmet e tyre objektive, reale dhe të sakta. Ju uroj suksese dhe shëndet në të ardhmen.

Ragmi Mustafa (Kryetar i Komunës së Preshevës, kryetar i PDSH-së)
Me rastin e dhjetëvjetorit të Presheva com-it, ju urojmë punë të mbarë dhe suksese të reja se keni kryer një punë të shkëlqyeshme dhe besojmë se edhe në të ardhmen do të kryeni këtë  punë , sa fisnike po aq edhe të ndershme dhe transparente. Jemi të mendimit se faqja juaj në të kaluarën ka bërë një punë kolosale dhe gjithëpërfshirëse pa u rreshtuar në krah të ndonjë partie apo individi por si bazë për informim të drejtë ka marrë realitetin dhe se ashtu duhet vepruar pa ekuivoke që të plasoni informata për opinionin e gjërë, ate që është produktive dhe progresive.
Duke ju dëshiruar suksese të reja, shëndet stafit tuaj, punë të mbarë, dhe mbarësi në punën tuaj. Urime për shumë mote!
Në emër të kryetarit të  komunës së Preshevës Ragmi Mustafa,
Shefi i kabinetit të kryetarit  Islam Isufi.

Baki Rexhepi (gazetar):
Të përkujtosh dhjetëvjetorin e një veprimtarie, është sukses.Të largosh mendjen këtu e dhjetë vjetë më parë, është një ndjenjë që të përkujton njërën ndër periudhat më të zymta të përjetimeve të popullit tonë. Por pikërisht edhe një periudhë e rilindjes së vetëdijes sonë kombëtare, si popull dembabadem i robëruar. Në këtë "rilindje të madhe " lindi edhe ëeb faqja juaj, e cila për shqiptarët e Luginës së Preshevës, padyshim ka qenë dhe mbetet një emblemë identifikuese në botën e madhe. 
Nuk do të flas për kontributin, sepse ua kam zili për shtytjen e madhe që dhatë në edukimin e përdorimit të informatës elektronike që i servohet qytetarit, e që e gjenë ate në çdo cep të botës, ndaj urime dhe përgëzime, sukese në shënimin e dekadës së tretë, katërt etj,...
 

© presheva.com