Polt inkurajon shqiptarët të dalin në zgjedhje

"Me 21 janar, dilni të votoni për një jetë më të mirë" është shprehur Ambasadori i Shteteve të Bashkuara të Amerikës, Majkëll Polt, gjatë qëndrimit të tij në rajonin e Luginës së Preshevës, duke inkurajuar shqiptarët e Luginës së Preshevës që sa më masovikisht të dalin në zgjedhjet parlamentare të Serbisë, që do të mbahen këtë të diel.
Vizitën e sotme ambasadori amerikan në serbi, Majkëll Polt, e cila për qëllim kishte përurimin e akasit rrugorë, që lidhë pjesët rurale të Bujanocit e Preshevës, deri në kufirin me Maqedoninë, më tepër e shfrytëzoi
që t`i bëjë thirrje elektoratit shqiptar që më 21 janar të votojnë për t'i zgjedhur përfaqësuesit e tyre në parlamentin e Beogradit. Në takimin me përfaqësuesit e Koalicionit të Shqiptarëve të Luginës së Preshevës, diplomati amerikan, përgëzoi ata për siç u shpreh guximin e treguar që të marrin pjesë në këtë proces, i cili është më se i domosdoshëm për përmirësimin e pozitës së shqiptarëve të Luginës së Preshevës."Jam krenar dhe mburrem me ju që keni vendosur të merrni pjesë në zgjedhje, keni treguar shumë kurajë dhe guxim, që është vështirë të shihet kudo në botë", tha Polt.Përfaqësuesit e Koalicionit të Shqiptarëve e çmuan lartë përkrahjen e Shteteve të Bashkuara të Amerikës, duke e cilësuar atë si të domosdoshme në këto momente.Shpallja e zgjedhjeve parlamentare në Serbi si dhe zhvillimet tjera politike në rajon, ndikuan që përurimi i aksit rrugor që lidhë vendbanimet shqiptare të Bujanocit dhe Preshevës deri në kufirin me Maqedoninë, të bëhet sot, përkundër paralajmërimeve që e njëjta të ngjante në dhjetorin e vitit që shkoi. Edhe pse në paralajmërimin e parë ishte paraparë që përurimi të bëhej në fshatin Miratoc, në afërsi të kufirit me Maqedoninë, ambasadori amerikan e bëri atë në fshatin Litovicë të komunës së Buajnocit, duke tentuar kështu që të anashkaloj Komunën e Preshevës, për shkak të qëndrimit të lidershipit të saj kundër zgjedhjeve parlamentare.

www.rtklive.com