Përgjegjësin për eskalim eventual të situatës në Luginë, do ta bartin institucionet shtetërore serbe

Shqiptarët e Luginës nuk do ta provokojnë situatën në asnjë mënyrë, nëse kjo ndodhë atëhere përgjegjësia bie mbi institucionet shtetërore serbe.

Bujanoc, 14 shkurt 2008 - Deklaratën e mbrëmshme të Ministrit Serb të Mbrojtjes Dragan Shutanovac, dhënë mediave serbe, se në jug të serbisë mund të ketë incidente të herëpashershme si rezultat të, siç është shprehur,grupeve të paknaqura teroriste nga Kosova, e kanë kundërshtuar sot përfaqësuesit e spektrit politik shqiptarë të Luginës së Preshevës.
Jonuz Musliu nënkryetar I Komunës së Bujanocit e ka qujatur dezinformat dhe qëllimkeqe deklaratën e Ministrit serb të mbrojtjes.Ai ka ripërsëritur qëndrimin e faktorit politik shqiptarë se orijentimi I tyre është zgjidhja e problemeve të shqiptarëve me mjete politike.
Edhe për nënkryetarin e Partisë Demokratike Shqiptare Shukri Ymerin, deklarata e Shutanovacit është e papranueshme. Ymeri, ka thënë se shqiptarët kanë hjekur dorë nga armët në vitin 2001 kur është nënshkruar paqja në Luginë. Deklaratat e tilla në kohën kur nuk ka mbetur shumë deri në shpalljen definitive të statusit kanë për qëllim futjen e frigës tek qytetarët shqiptarë.
Nga ana tjetër Shaip Kamberi, nënkryetar I Partis për Veprim Demokratik, ka deklaruar se shqiptarët në asnjë moment nuk do të provokojnë situatën gjatë këtyre ditëve historike për popullin shqiptarë. Kamberi, ka paralajmruar se nëse do të vie tek eskalimi I situatës, përgjegjësin do të duhej ta bartin institucionet shtetërore serbe.
Si Musliu, ashtu edhe Ymeri e Kamberi, kanë apeluar tek popullata shqiptare për ruajtje të gjakftohësis dhe shmangien nga provokimet eventuale gjatë kësaj periudhe, e cila nuk ka dyshim se është historike dhe gjatë kohë e pritur nga populli shqiptarë ku do që ndodhet.
Ndërkaq, është me rëndësi të thuhet se në prag të shpalljes së pavarësisë së Kosovës, përgjat vijës kufitare që ndanë Luginën e Preshevës me Kosovën, është përqendruar një numër një numër I madhë I forcave serbe të sigurisë. Edhe pse aktualishtë situate është e qetë, deklaratat e personave përgjegjës qeveritarë, lënë të kuptosh se duhet shmangur provokimeve të mundëshme.



Baki Rexhepi