BIOGRAFI E SHKURTËR E KRYETARIT TË KËSHILLIT TË BASHKËSISË ISLAME TË KOSOVËS NË PRESHEVË , DR. ADNAN EF. AHMEDIT

Dr. Adnan ef. Ahmedi është lindur në Preshevë , më datë 12 janar 1965. Shkollën fillore e kreu në vendlindje në vitin 1979 , ndërsa të mesmen në Medresenë “ Alauddin “ në Prishtinë në vitin 1984.
Pastaj dr. Adnan ef. Ahmedi studimet universitare i vazhdoi në Universitetin e famshëm “ Al-Az-har” në kryeqytetin e Republikës Arabe të Egjiptit , Kajro , ku edhe diplomoi në vitin 1991.
Pas përfundimit me sukses të plotë të studimeve , dr. Adnan ef. Ahmedi vazhdoi studimet post diplomike në Institucionin për studimin e shkencave islame në Kajro ku edhe magjistroi në vitin 2001 , ndërsa doktoroi në fund të vitit 2003.
Në fillim të vitit 2004 dr. Adnan ef. Ahmedi pas propozimit të Këshillit të Bashkësisë Islame të Kosovës në Preshevë , nga ana e Kryesisë së Bashkësisë Islame të Kosovës në Prishtinë emërohet imam , ligjërues dhe predikues në Xhaminë “ Ibrahim Pasha” në Preshevë në ç’ vend zëvendësoi të atin e tij hafiz Zihni ef. Ahmedin i cili kishte shërbyer tridhjetë e pesë vite në po të njëjtën detyrë.
Në zgjedhjet e mbajtura në nivel të Bashkësisë Islame të Kosovës , më 16 janar 2008 , dr. Adna ef. Ahmedi bëhet anëtar i Këshillit të Bashkësisë Islame në Preshevë. Pas dërgimit të listës nëntë anëtarshe të këshillit përkatës , Kryesia e Bashkësisë Islame të Kosovës më datë 07. 02.2008 verifikon listën në fjalë me në krye dr. Adnan ef. Ahmedin kryetar në mandatin 2007 – 2010.
 

Këshilli i Bashkësis Islame - Preshevë