Fotoreportazh nga shoqata humanitare “Lugina e Preshevës”, e cila para disa ditësh, ka dërguar ndihmat që janë grumbulluar në Zvicër

Familjet e dëshmorëve të UçPMB-së dhe ish luftëtarëve, invalidëve të luftës, nuk po harrohen nga bashkatdhetarët tanë

Kështu që ndihmat e bashkatdhetarëve nuk po ndalen dhe nga këto familje janë mirënjohëse për gjithë kontributin që po japin në drejtim të dëshmorëve të UçPMB-së, invalidëve të luftës, si dhe fëmijëve të dëshmorëve, si dhe u janë mirënjohës kombëtares “Bota sot”, si dhe presheva.com, medvegja.info, që po ndihmon këto aksione humanitare.

St.Gallen, mars - (presheva.com) - Ndihmat në drejtim të atdheut, bashkatdhetarët nuk e kanë ndërmend të ndalin deri atëherë kur për të gjitha kategoritë qytetare do të jetë një gjendje më e mirë ekonomike. Tani siç dihet, pjesa dërmuese e familjeve të dëshmorëve, nuk kanë asnjë asistencë sociale nga askushi, vetëm sa ndihmohen familjet mes veti, ose nga qytetarët e Kosovës Lindore. Të ndalemi të kujtojmë kontributin e madh që e kanë dhënë ish luftëtarët e UçPMB-së, apo ata dëshmorë që kanë dhënë jetën për atdheun, nuk mundemi ta përshkruajmë tërë meritat që i kanë, por ata padyshim se do të jenë në pjesën e historisë kombëtare, ata do të jenë të qëndisura në flamurin kombëtar kuq e zi, mu në mes të shqiponjës. Familjet e dëshmorëve, invalidët e luftës, apo ata luftëtarë që kanë shpëtuar, nuk kanë kërkuar asnjëherë lëmoshë, por qyetarët duhet të ndihmojmë edhe më shumë ata që kanë mundësi, sepse vërtetë këta luftëtarë, apo ata fëmijë jetima që kanë mbetur dhe që janë 28, vërtetë janë në gjendje të rëndë sociale.E dimë se shumë bashkëkombas po kontribuojnë në mënyra të ndryshme drejt kësaj kategorie individualisht dhe përmes shoqatës “Lugina e Preshevës” me seli në Gossau të St.Gallenit.Me që para pak ditësh ndodhi një fatkeqësi e një ish luftëtari të UçPMB-së, i cili ishte duke punuar me punë krahu në një bunar-pus për të siguruar 10 euro për bukën e gojës, rrëzohet dheu dhe e zenë, ku e humb jetën tragjikisht, gjithashtu kemi edhe disa raste tjera të rënda.Prandaj, SHHLP, më datë 07.03.2008, përfundoi aksionin e ndihmave për një javë punë intensive e kësaj shoqate, që sinqerisht po kontribuojnë duke punuar në drejtim humanitar, prej kryesisë e deri te anëtari më i ri.Prandaj, me rastin e vdekjes tragjike siç e përmendëm më lartë të ushtarit të UçPMB-së, Gazmend Fazliut nga fshati Miratoc komuna e Preshevës, shoqata Lugina e Preshevës, organizoi këtë asksion dhe u mblodh një shumë e caktuar modeste duke parë parasysh mundësitë e bashkatdhetarëve. Ndihma dhanë disa aktivistë të palodhur të rajonit Rajntalit me rrethinë, ku kryesia e shoqatës i falënderon nga zemra që pranuan idenë e shumë të nevojshme, si dhe dy pikat në Repshtajn të SG-Zvicër, më pastaj pronarin e restaurantit Lala në Repshtajn dhe salonin e floktarisë z.Gazmend Isenin në Repshtajn.Ndimat u tubuan gjithsej 2542fr.Të hollat ju kanë dorërzuar mes shoqates O.V.L në Preshevë për t’ia dorëzuar nënës së Gazmendit.Kurse aksioni vazhdon për rastin e djalit Fatmirit, Flamur Ibishit dhe rasti i Hamdi Ajdinit, i cili la katër fëmijë, si dhe rasti i Fazli Ajdinit, invalid i dy luftërave, i cili jeton veti i gjashtë anëtarë dhe kujdeset edhe për fëmijët e vëllaut ku janë katër anëtarë dhe jeton me një shtëpi të romëve përkosisht në Gjilanë. Kështu që ndihmat e bashkatdhetarëve nuk po ndalen dhe nga këto familje janë mirënjohëse për gjithë kontributin që po japin në drejtim të dëshmorëve të UçPMB-së, invalidëve të luftës, si dhe fëmijëve të dëshmorëve.Me këtë rast edhe arkatari i kësaj shoqate z.Fazli Musliu, përshëndet dhe falënderon të gjithë ata që po kontribuojnë.Këto ndihma janë të paharruara për këto familje dhe në kohën më të duhur.Të gjjithë ata që kanë dhënë ndihma nuk mundem ti përmendim, sepse ndihmuesit tanë as që duan tëi përmendin, sepse kanë dhënë ndihma për çështje që e kemi borxh të gjithë”.Me këtë rast, shoqata në fjalë me shoqatat tjera si motra të Kosovës Lindore, po zbusin varfërinë e madhe dhe pozitën e shumë bashkëkombasve tanë që jetojnë dhe veprojnë në atdhe.Njëherit, falënderojnë edhe gazetën tonë përzemërsisht për kontributin që po e japim në ndihmë të këtyre iniciativave që po i marrim, duke na dëshiruar punë të mbarë, si dhe padyshim edhe faqen e presheva.com-itm medvegja.info.

Përgatiti:Dashnim HEBIBI, redaktor i gazetës kombëtare "Bota sot", për diasporë si dhe redaktor i TV Diaspora-RTK, redaksia Cyrih

Legjendat:Pamje nga dorëzimi i ndihmave në familjet e nevojtarëve nga SHHLP me seli në Gossau të St.Gallenit