Halimi: Me qetsimin e situatës në Kosovë edhe në Luginën e Preshevës do ta kemi një situatë më stabile

Bujanoc, 19 mars

Lideri I Partisë për Veprim Demokratik, njëherit deputet i vetëm shqiptarë në parlamentin republikan Riza Halimi, vlerëson se ka një numër të mëdha të problemeve në Lugin të Preshevës që parlamenti që është shpartalluar nuk ka arritur ti zgjidh.

Sipas Halimit qeveria e deritashme ka qenë krejtësisht jo efikase dhe për këtë ai shpreson se pas zgjedhjeve të 11 majit do të ketë plotësisht një skenë tjetër politike

            Tensionimi I situatës kohëve të fundit siç janë rastet ku janë malltretuar shqiptarët dhe rasti I protestës së rezervistëve (paramilitarëve) ushtarak në Medvegjë, sipas Halimit nuk kanë të bëjë me shpartallimin e parlamentit të Serbisë por këto tensione janë ngritur pas shpalljes së pavarësisë së Kosovës.

            Halimi thotë se subjektet politike shqiptare janë ato të cilat arrijnë ta mbajnë stabilitetin nën kontrollë në Lugin të Preshevës, meqë kjo sipas Halimit është interes I yni.

            Halimi thotë se, edhe ndërkombëtarët kanë një interes të posatshëm që edhe shqiptarët e Luginës në në zgjedhjet parlamentare paralel me ato lokale ta japin një kontribut, që me 11 maj të fitojë opsioni demokratik proevropian, që do të mundësonte përshpejtimin e integrimeve evropiane.

            Lideri i PVD-së gjithashtu potencon se paralel me qetësimin e situatës në Kosovë edhe në Luginë të Preshevës do ta kishim një situatë shumë më stabile dhe një perspektivë me një zhvillim të përgjithshëm. 

Mukarrem Ahmeti