K U M T E S Ë

Kryesisa e Kuvendit të këshilltarëve Shqiptarë të Luginës së Preshevës, rikonfirmon përkrahjen institucioneve të Kosovës për aprovimin e Deklaratës për shpalljen e Pavarësisë së Kosovës.
Kryesia edhe me këtë rast është e bindur se Pavarësia e Kosovës sipas Planit të presidentit Ahtisaari, është garancë e stabilitetit rajonal dhe shpreh gadishmërinë për njohjen e parezervë të sajë.
Kryesia shpreh vendosshmërinë e vetë për angazhim të mëtejshëm që vlerat e Planit të Ahtisaarit, lidhur me të drejatat e komuniteteve në Kosovë, të jenë të aplikueshme edhe në Luginë të Preshevës. Në këtë rast shprehet besimi i plotë se nuk do të mungojë angazhimi i shtetit të Kosovës në mbrojtjen e të drejtave të shqiptarëve të Luginës së Preshevës përmes parimit të reciprocitetit.
Kryesia, konsideron se, përkundër spekulimeve të ndryshme që po plasohen ditëve të fundit, nuk ka vend për shqetësime, megjithate fton popullatën për maturi, vetëpërmbajtje dhe vigjilencë qoftë edhe nëpër manifetsimet private dhe apelon që të mos shkaktojë e as bie pre e provokimeve që mund të vijnë nga qarqet e ndryshme.
Në këto momente të ndieshme në të cilat gjendet rajoni, Kryesia kërkon fuqishëm prezencë të shtuar ndërkombëtare e cila do të ishte garancë e stabilitetit të Luginës së Preshevës.
Kryesia është në përcjellje të vazhdueshme të situatës dhe do të jetë e gatshme të ndërmarrë masat adekuate varësisht nga zhvillimet e saj.

Preshevë, 16 shkurt 2008 Nga kryesia e KKSHLP-së