Kremtë e madhe edhe nëpër tërë Zvicrën për ditën e shumë pritur të pavarësisë së Kosovës
 
 Medvegjasit rreth sofrës së gëzimit me vëllezërit e një gjaku të gjithë Kosovës për pavarësi

 
Fully-valis, Zvicër - Në orën 15 e 48 minuta të së dielës së 17 shkurtit 2008, kur Kuvendi i Kosovës e miratoi deklaratën me të cilën Kosova u shpall shtet i pavarur dhe demokratik, filloi atmosfera e paparishikueshme e bashkatdhetarëve tanë të të gjitha trevave shqiptare, që me dekada e kanë mirëpritur këtë dasmë të madhe. Diaspora kjo nyje kryesore e sferave të ndryshme e zhvillimeve që përjetoi atdheu, u bashkua së bashku me të gjitha subjektet politike, fetare, e shoqatave humanitare, për të festuar shtetin për të cilën u flijuan qindra dëshmorë, Pavarësinë e Kosovës. Për pamundësi që ekipi ynë ti përcjell të gjitha atmosferat e krijuara për pavarësinë e Kosovës, ne u munduam që sado pak të pasqyrojmë festën dhe udhëtuam qindra kilometra për në Fully të Valisit Zvicër, për të parë se si po festohet kjo ditë e pavarësisë që kishte organizuar shoqata humanitare 'Medvegja' së bashku me shoqërinë kulturo artistike Medvegja. Të gjitha rrugët e këtij qyteti turistik, ishin mbushur me bashkëkokombas, me flamuj kombëtar, Amerikan, të Bashkimit euorpian dhe atij zvicerian opinionit të gjerë se që nga sot do të ndryshojë harta e Euorpës, sot u shpall Kosova e pavarur.Në mesin e shumë defiluesve ishte kryesia e shoqatës humanitare Medvegja, Shoqëria kulturo Artistike medvegja, bashkatdhetarë nga të gjitha trevat shqiptare dhe në mesin e tyre kishte edhe zvicerian. Pas disa orëve festë nëpër të gjitha rrugët e këtij qyteti, filloi atmosfera akademike festive në sallë, ku ishin të ftuar edhe shumë media zviceriane, kryetari i kuvendit komunal për Fully z.Bermard Troillet, Leonard bender kryetari i partisë radikale për Valis, Aleksander Saillet deputet në Valis, Didier Rokuet, si dhe Frederik Karro, drejtor i shkollës për Fully.
Hapjen e këtij solemniteti historik, e hapi kryetari i shoqatës Medvegja, Z.Zenel Neziri, i cili pasi përshëndeti të gjithë të pranishmit, uroi edhe pavarësinë e Kosovës, uroi nëntorin e dytë historik.z.Zeneli tha ndër të tjera tha, se edhe Medvegja, së bashku me bujanocin e Preshevën, do të jenë me sy dhe shpirt nga Kosova, me Kosovë të pavarur dhe me nënë Shqipërinë, do të vijnë rrezet e lirisë edhe mbi Medvegjë, e Malci dhe çamëri. Këtë ditë, kujtuam, luftën herokoike të Adem Jasharit, Hamëz Jasharit, Agim Ramadanit, Sali çekut, Mitat Muslisë etj, përujtuan edhe arqitektin e pavarësië së Kosovës Prof.Dr.Ibram Rugovën, i cili fizikish nuk qëndroi ndër ne, por sigurisht se tash eshtrat e tij do të jenë më të lirshëm, ashtu siç janë të të gjithë dëshmorëve.Kujtojmë edhe liderin historik për së gjalli Ramush Haradinaj, i cili gjendet në Hagë para drejtësisë dhe shpresohet se shpejt do të vijë në Kosovë dhe të festojmë së bashku.Kur shihnim të bashkuar subjektet politike në Parlament, u gëzuam pa masë.Shpresojmë se shpejt do të zgjidhet problemi edhe i Kosovës Lindore, Presheva, Bujanoci dhe Medvegja, çamëia e malcia.Gëzuar pavarësi e Kosovës, të punojmë më shumë dhe të dimë të jemi unik.
Edhe sekretari i shoqatës z.Fadil Selmani, lexoi një referat kushtuar ditës së pavarësisë së Kosovës, ku kujtoi Ismail Qemajlin, Adem Jasharin, Ibrahim Rugovën dhe shumë të tjerë që kontribuan për këtë ditë të madhe.Ai ndër të tjera tha: Sot, falënderoj edhe gazetën kombëtare 'Bota sot' që na ka zgjedhur neve, ka ardhur të festojë së bashku.Jemi të gëzuar si asnjëherë më parë, jemi me plot emocione. Shumë bashkatdhetarë kanë dalur nëpër rrugë ta festojnë me vetura me flamuj kombëtar, amerikan e europian. Erdhi edhe liria tek Kosova jonë e lashtë, erdhi liria tek shumë invalidë që kanë mbetur, shumë jetima, shumë nëna pa bijtë e tyre, por me dinjitet dhe ballë hapur, kanë qëndruar dhe do të qëndrojmë, se ky shekull do të jetë i yni, qefini më në fund i prerë gabimisht nga serbët, do të hiqet, tokat shqiptare një ditë do të bashkohen.Kujtoj të gjithë dëshmorët që luftuan, luftëtarët dhe padyshim edhe arqitektin e pavarësisë së Kosovës Prof.Dr.Ibrahim Rugova.Edhe Medvegja, një ditë do të frymojë lirshëm, ka ardhur dita e gëzimit, dita më e madhe e shqiptarëve.'Ndërsa arkatari i shoqatës z.Zejnullah Namani tha':Sot ne të gjithë u jemi mirënjohës Shteteve të Bashkuara të Amerikës për angazhimin e tyre të plotë në mbështetjen e luftës liridashëse të popullit shqiptar të Kosovës dhe për mbështetjen e palëkundur të pavarësisë së Kosovës, e cila nuk do të ishte sot një ëndërr e realizuar pa miqtë tanë të mëdhenj ndërkombëtarë. Sot është dita e një triumfi. Edhe ne medvegjasit jemi pjesë e gëzimit të madh që është në gjithë botën'.Edhe miqtë zvicerian që ishin prezent ndër të tjera potencuan:'Kosova e ka merituar këtë liri, duke sakrifikuar shumë me shekuj, por tash ka ardhur dita më e madhe e lirisë dhe prandaj duhet gëzuar dhe duhet punuar më shumë në ditët që do vijnë. Kosova ka pasur këtë përkrahje nga Zvicra dhe do ta ketë.Gëzuar pra pavarësinë e Kosovës'. Me një program të pasur kulturo artistik nga shoqëria kulturo artistike Medvegja, për disa orë me radhë, iu recitua Kosovës, dëshmorëve, Adem Jasharit dhe Shqipërisë mëmë.
Kremtimi i ditës së pavarësisë kaloi pa asnjë incident dhe u përshëndet edhe nga vendasit zvicerian, për mirëkuptimin dhe duke pasur parasysh gëzimi e madh tonin që e kishim.

Përgatiti:Dashnim HEBIBI
Foto:Besnik Strezoca