Serbët e anamoravës mirëpresin burgosjen e dhjetë ish-pjesëtarëve të UÇK-së në Preshevë

Gjilan, 26 dhjetor (presheva.com) - Serbët nga pjesa lindore e Kosovës, ku janë kidnapuar dhe vrarë më shumë se 100 civilë, kanë përshëndetur sot prangosjen e pjesëtarëve të ish-Ushtrisë Çlirimtare të Kosovës të dyshuar për krime ndaj serbëve dhe joshqiptarëve. Shefi i zyrës së Ministrisë për Kosovës dhe Metohi në Anamoravën e Kosovës, Predrag Stojkoviqi ka thënë për agjencinë « Beta » se drejtësia duhet të arrij tek të gjithë që kanë kryer krime dhe të gjithë kriminelët e luftës duhet që të përgjigjen për veprimet e veta.”Përshëndesim aksionin e prangosjes, në mes të kidnapuarve dhe të vrarëve janë të pafuqishmit dhe personat në moshë, ndërsa pikëllimi i familjarëve të personave të kidnapuar është i madh, veçmas në ato raste kur për të kidnapuarit nuk dihet asgjë që krijon probleme të mëdha në vet familje”, ka thënë Stojkoviq.