Mbahet seanca e tretë e KK Preshevë

Preshevë, 30 qershor (presheva.com) - Përveç verifikimit të mandatit të këshilltarit nga lista e koalicionit lista serbe, Vllastimir Jovanoviq, i cili është nga partia Radikale Serbe, në seancën e tretë të Kuvendit të Preshevës u diskutua dhe rreth privatizimit të ndërrmarjes "Bratsvto" nga Presheva. Pas vendimit të agjensionit të Radiodifuzuzionit që TV Presheva të mbyllet në afat prej 8 ditësh, është diskutuar rreth iniciativave të reja për të arritur që të mirret një frekuencë e re për Preshevë, duke kërkuar që ky medium të funksionojë edhe më tej dhe të pengohet mbyllja e tij. Pas shkarkimit të drejtorit të deritanishëm të Shtëpisë së Kulturës "Abdulla Krashnica", është miratuar vendimi i këshillit drejtues dhe emërimi i ushtruesit të detyrës të drejtorit të ri Naser Nuredinit nga partia BDL. Po ashtu është miratuar edhe propozim vendimi i këshillit drejtues të Organizatës për Kulturë Fizike për shkarkimin e sekretarit dhe emërimin e ushtruesit të detyrës së sekretarit të OKF-së, Nderim Ajvazi, profesor i edukatës fizike që i takon PDSH-së.