Mbahet mbledhja e rregullt e shtabit të mbrojtjes civile në Preshevë

U mbajt sot mbledhja e rregullt e shtabit të mbrojtjes civile në Preshevë. Në mbledhjen e sotme prezantuan kryesuesit dhe anëtarët profesionist të shtabit, nënkryetari i komunës së Preshevës, Rami Zylfiu dhe kryetarët e bashkësive lokale.

Janë prezantuar sot edhe masat preventive kundër zjarrit për verën 2009. Rreptësishtë ndalohet ndezja e zjarrit në ambiente të hapura nga ana e qytetarëve fizik dhe personave juridik sepse këto veprime mund të shkaktojnë zjarre me pasoja të paparashikuara. Këto veprime me ligjin e mbrojtjes së zjarreve sanksionojnë çdo nxitës të zjarrit. Ndalohet rreptësishtë përdorimi i mjeteve piroteknike në ambient të hapur, gjatë dasmave dhe ceremonive të ndryshme në periudhën kur temperaturat janë mjaftë të larta. Aksionin për fikjen e zjarreve e ndërmerr ekipi profesional i zjarrëfiksave në kuadër të stacionit policorë sepse është obligim i rregullt i asaj ekipe profesionale që të marrë pjesë në organizimin e aksionit së fikjes, mbrojtjes dhe shpëtimit të qytetarëve, subjekteve dhe personave fizik.

Të gjithë personat dhe subjektet tjerë janë të obliguar të veprojnë në përputhje me kërkesat e personit përgjegjës të shërbimit profesional të stacionit policorë gjatë aksionit të fikjes.

Obligohet inspekcioni komunal të përputhet me vendimin e komunës që të kyçet në realizimin e detyrave e cila del nga obligimet e dala si masa, subjekteve në territorin e komunës së Preshevës.

Të gjithë kryetarët e bashkësive lokale në komunën e Preshevës si komisioner të mbrojtjes civile janë të obliguar që të jenë të gatshëm në rast të zjarrit të jenë në funksion të grumbullimit të njerëzve dhe mjeteve të tjera materiale dhe të njëjtat ti vë nën komandën e ekipit për mbrojtje dhe shpëtim të stacionit policorë në Preshevë. Apelohen të gjithë qytetarët se janë të obliguar që sa herë të hasin në rrugë automjetet e zjarrëfiksave menjëherë të lirojnë rrugën dhe të ndihmojnë njerëzit e ekipit të zjarrëfiksave në lokacionin e zjarrit në përputhje me kërkesat e tyre. Në preventivë të angazhohen edhe organizata joqeveritare që kanë program adekuat për mbrojtjen e ambientit jetësorë.

Nënkryetari i komunës së Preshevës, Rami Zylfiu nga të pranishmit kërkoi që ditëve në vazhdim të punohet për hapjen e korridoreve nëpër pjesët malore të komunës sonë në mënyrë që të krijohen për kushte për depërtimin më të lehtë të makinave motorike në raste eventuale të lokalizimit të zjarrit. Përfaqësuesi i njësisë së zjarrfikësve në Preshevë, Selami Limani ka prezantuar sot raportin e punës ës njësitit të zjarrëfiksave dhe ka kërkuar nga qytetarët e vendit për bashkëpunim të ndërsjellë. Në mbledhjen e sotme të shtabit të mbrojtjes civile është diskutuar edhe për masat preventive për furnizim me ujë të pijshëm për qytetarët e komunës së Preshevës. Për raste eventuale të përhapjes në ndonjë zjarri në ambientet e hapura apo të mbyllura qytetarët e komunës së Preshevës mund të lajmërojnë në numrin kujdestarë të njësitit të zjarrëfikësave në Preshevë 669-123 apo në numrin 93. Përmes kësaj thirrje mund të shpëtoni pasuritë personale dhe të bashkëqytetarëve.