U mbajt seanca e dytë e Kuvendit Komunal në Preshevë

Në sallën e kuvendit komunal në Preshevë është mbajtur sot vazhdimi i seancës së dytë për vitin 2010. Në këtë seancë ishin paraparë të diskutoheshin 26 pika të rendit të ditës. Ato që kishin të bënin me raportet e punës dhe financiare për vitin 2009, si dhe programet e punës për vitin 2010 të drejtorateve të administratës komunale si dhe institucioneve tjera ku themelues është kuvendi komunal. Pas debateve të shumëta nga ana e këshilltarëve të opozitës dhe pozitës pjesëmarrës në mbledhje në fund me shumicë votash janë miratuar 3 pikat e para të rendit të ditës si ajo e raportit të punës dhe financiar për vitin 2009 I drejtoratit për punë të inspekcionit në administratën komunale në Preshevë, shqyrtimi dhe miratimi i raportit të punës për vitin 2009 I drejtoratit për urbanizëm, punë pronsoro juridike dhe mbrojtje të ambientit jetësor, si dhe raporti i punës dhe ai financiar për vitin 2009 i drejtoratit për veprimtari shoqërore në administratën komunale.
Kryetari i kuvendit komunal Skender Destani seancën e sotme e cilësoi si seancë të qetë dhe të suksesëshme me dabatet konstruktive që pati nga ana e këshilltarëve të kuvendit komunal. Vazhdimi I kësaj séance do të mbahet ditën e martë, në të cilën seancëë kanë mbetur të diskutohen dhe miratohen edhe 23 pika të rendit të ditës.