SHPËRNDAJE

Në luftë ndanin një qëndrim dhe luftonin për të njëjtat ideale dhe të drejta. Por, paslufta i ka larguar nga njëri – tjetri në jetën politike dy bashkëluftëtarët, deputetin e Lëvizjes Vetëvendosje, Rexhep Selimin dhe kryeministrin Ramush Haradinaj.

Selimi ka thënë për Kosovapress, se si bashkëluftëtar edhe sot përputhen me kryeministrin Haradinaj, teksa është shprehur i zhgënjyer me mossukseset e këtij të fundit në krye të ekzekutivit.

Megjithatë, ai thotë se ende ndajnë mendime dhe bindje të njëjta, dhe jo vetëm për taksën.

“Raportet tona prej bashkëluftëtari që janë të ndara me raportet tona politike. Pra, në raportet tona si bashkëluftëtarë përputhemi dhe është në rregull, në raportet politike nuk duket që jemi afër. Nuk po din. Unë do të doja që Haradinaj të ishte i suksesshëm edhe kur unë jam opozitë, por kësaj radhe më ka zhgënjyer”, tha Selimi.