SHPËRNDAJE

Sipas të dhënave nga Zyra Federale për Migracion dhe Refugjatë (BAMF), Gjermania në mënyrë masive po tërheq emigrantët nga shtetet lindore të Bashkimit Evropian, numri i të cilëve nga viti 2010 është trefishuar. Në mesin e tyre, në rritje është numri i emigrantëve nga Kroacia e më së shumti nga Polonia..

Në kuadër të së drejtës për lirinë e lëvizjes së punëtorëve në Bashkimin Evropian, në Gjermani vitin e kaluar shkuan për të punuar 634,000 njerëz nga vende të tjera të BE-së, 77 për qind të të cilëve janë nga nga shtetet e Evropës Lindore. Nga Polonia në vitin 2016 në Gjermani shkuan 42,000 persona, e në total janë më shumë se 700,000 prej tyre, transmeton Telegrafi.

Rreth gjysmë milionë rumunë po ashtu jetojnë dhe punojnë në Gjermani. Në bazë të të dhënave, nga Kroacia janë 331,000, e veç më 2016 shkuan 34,000 kroatë. Një fluks i madh i njerëzve është nga Bullgaria, nga i cili shtet në Gjermani, për shkak të punës, u zhvendosën 262,000 njerëz.

Emigracioni në Gjermani nga shtetet perëndimore anëtare të BE-së është shumë më i vogël, dhe ata nuk paraqesin as një të dhjetën e 4.3 milionë banorëve të shteteve të tjera të Unionit të cilët tani jetojnë dhe punojnë në Gjermani.

Emigrantët nga Evropa Lindore janë të rëndësishëm për funksionimin e industrisë ushqimore, posaçërisht për punë në thertore, në ndërtimin e anijeve, bujqësi, ndërtim, dhe në sistemin e kujdesit për të moshuarit.

Shumica e atyre që shkojnë në Evropë janë të rinjë, të arsimuar dhe të aftë të integrohen në tregun gjermanë të punës.
Tash po thyhet edhe miti se emigrantët po përdorin më shumë ndihmat sociale. Sipas statistikave të fundit, ndihmë sociale marrin 4.9 për qind e të shpërngulurve për dallim nga 7.3 për qind e gjermanëve.