SHPËRNDAJE

Më së shumti të dëbuar gjatë vitit 2016 ka pasur shtetas shqiptarë, gjegjësisht 5343 veta. Menjëherë pas tyre vijnë shtetasit e Kosovës, nga të cilët në atdhe janë përcjellë 4338 veta.
Që në fund të shtatorit, numri i të huajve të dëbuar nga Gjermania ka tejkaluar numrin e të dëbuarve të arritur gjatë gjithë vitit 2015. Këtë konstatim e përmban përgjigja që Zyra Federale për Migracion dhe Refugjatë (BAMF) e ka dhënë për mediat të premten.

Bëhet fjalë pra për 21789 të huaj të dëbuar deri në fund të shtatorit, kur kishin mbetur edhe tre muaj deri në fund të vitit, shkruan dpa.de. Kjo shifër është për 1000 persona më e lartë se ajo e realizuar gjatë gjithë vitit 2015.

Numrin më të madh të të dëbuarve e përbëjnë shtetasit e vendeve ballkanike, transmeton albinfo.ch. Ndërsa në mesin e tyre më së shumti të dëbuar gjatë periudhës së deritashme të këtij viti ka pasur shtetas shqiptarë, gjegjësisht 5343 veta. Menjëherë pas tyre vijnë shtetasit e Kosovës, nga të cilët në atdhe janë përcjellë 4338 veta.

Numri i madh i ballkanasve të dëbuar shpjegohet me dy shkaqe: Me numrin e madh të atyre që kanë kërkuar azil në Gjermani pa pasur pothuajse fare gjasa për ta fituar atë dhe me lehtësinë e sigurimit të dokumentacionit për kthim të tyre.