SHPËRNDAJE

Trajneri Diego Simeone, ashtu sikurse edhe tifozët e skuadrës së Atletico Madrid kërkon që mbrojtësi 32-vjeçar Diego Godin të qëndrojë edhe për një vit me fanellën e ekipit “colchoneros”.

Mbrojtësit uruguaian i skadon kontrata në fund të sezonit, teka ka arritur edhe një marrëveshje për tu transferuar tek Interi.

Simeone ka vendosur që ta hedhë në fushë si titullar mbrojtësin, madje duke i besuar edhe shiritin e kapitenit në ndeshjen që Atletico luan ndaj Levante. Një lëvizje për të bindur Godin që të qëndrojë tek skuadra spanjolle edhe për një sezon. Atletico i ofron rinovimin e kontratës edhe për një vit mbrojtësit.