SHPËRNDAJE

Sipas Kombeve të Bashkuara, 17 tetori i çdo viti shënon Ditën ndërkombëtare për zhdukjen e varfërisë.

Që prej vitit 1993, ndërgjegjëson njerëzit për nevojën e zhdukjes së varfërisë në mbarë botën dhe veçanërisht në vendet në zhvillim.

Organizata të ndryshme joqeveritare dhe komunitetet e bamirësisë mbështesin këtë ditë, duke u bërë thirrje drejtuesve dhe qeveritarëve që në agjendën e tyre lufta kundër varfërisë të ketë prioritet.

Në 17 tetor të vitit 1987, më shumë se 100 mijë persona u mblodhën në Paris për të nderuar viktimat e varfërisë ekstreme, të dhunës dhe urisë. Që prej atij momenti individë dhe organizatat në mbarë botën e shikonin 17 tetorin si një ditë ku mund të rikujtonin përkushtimin e tyre për t’i dhënë fund varfërisë.

Edhe pse 17 tetori u njoh si ditë zyrtare në vitin 1993, në shumë vende të tjera rreth botës kjo ditë përkujtohet që nga viti 1987.

Presheva gjithashtu është një ndër vendet më të theksuara kur bëhet fjalë për shkallën e varfërisë ku këtë e konfirmojnë edhe përfaqësues të shoqatave humanitare dhe shtetërore si ajo e Kryqit të kuq në Preshevë. /presheva.com