Automobilat e pajisur me tenologji të lartë nuk janë të sigurtë

Aparatet e reja të teknologjisë më të përsosur të cilat automobilin e shëndrrojnë në një kancelari me rrota, potencialisht janë të rrezikshme për pjesmarrsit e tjerë në komunikacion, thonë në një komunikatë nga agjencioni për siguri në rrugë.
Prodhuesit e automobilave po përpiqen të tërheqin blerësit duke integruar modele të reja të aparateve duke tentuar ti gjasojnë atyre nga filmat fantastiko-shkencor. Vozitësit tani kanë në dispozicion jo vetëm telefonin mobil dhe sistemin e navigacionit por tani ata mund të lidhen edhe me internet , të marrin dhe dërgojnë email.
Hulumtimet të bëra në universitetin Harvard tregon se rreth 5% e fatkeqësive të komunikacionit në SHBA ndodhin duke biseduar në telefon mobil. Në këtë hulumtim nuk është cekur se ndonjë aparat tjetër komunikimi ka shkatuar fatkeqësi, por disa shkenctarë nga siguria automobilistike pohojnë se ka rrezik real edhe nga këso fatkeqësi.
Momentalisht 19 kompani po integrojnë aparate për kominikim telemetrik në rreth 90 modele të reja të automobilave. Aleanca e prodhuesve të automobilave (Alliance of Automobile Manufacturers , AAM) antarë të të cilit janë BMW, Nissan, Mazda, Mitsubishi Motors, DaimlerCrysler, General Motors, Toyota, Volkswagen dhe Ford Motor Company, vitin e kaluar ka dhënë instruksionet për përdorimin e aparateve të teknologjisë së lartë në automobila. Këto instruksione përfshijnë rreth 23 principe bazë për të cilat vozitësi duhet ti përmbahet. Psh, aparati nuk duhet të pengojë shikimin e vozitësit ose të pengojë të tjerët në komunikacion.
Vozitësi duhet të ta përdorë aparatin duke mos mbajtur shikim të gjatë në të, kurse tonet nuk duhet të kenë zë të lartë. Ekzistojnë edhe mendime të tjera se këto rregulla duhet të jenë më strikte. Mirëpo ende nuk ka ndonjë njohtim se një gjë e tillë do të ndodhë.
Agjencitë për siguri në rrugë po përpiqet të bashkëpunojnë me prodhuesit e automobilave. Disa kompani po bashkëpunojnë me IBM për zhvillimin e sistemit i cili do të vlerësojë vet se në çfarë kushte duhet të punojnë aparatet. "Po punojmë në sistemin i cili do të konstatojë vet se vozitësi është duke vozitur në kushte të vështira" thotë Jim Rutven, një udhëheqës në repartin e IBM për automobilizëm dhe telemetri.
"Nëse vozisni natën deri sa po bie borë dhe rruga është me akull, me siguri ju nuk do të mund të dërgoni e-mail apo të telefononi sepse këto aparate nuk do t'ju funksionojnë" thotë Rytven.

by DritonS
© presheva.com