SHPËRNDAJE

Arkeologët e kanë gjetur varrezën e zbrazët, derisa trupi i faraonit Akhenaten nuk ndodhej në brendësi. Hulumtimet e fundit, pretendojnë se zhdukja misterioze e tij, ka ndodhur në lashtësi, si pasojë e rivaliteteve të ndryshme në elitën e shoqërisë së Egjiptit të lashtë.

Studimet për mungesën e trupit, që do duhej të ndodhej brenda varrezës së dekoruar, kanë filluar që nga vitit 1891. Që atëherë, ka pasur dyshime se atë e kanë vjedhur kërkuesit e thesareve, për ta shitur më pa në tregun e zi. Asnjëherë nuk është gjetur ndonjë evidencë, se dikush ka hyrë brenda, para ekspertëve të arkeologjisë. Në anën tjetër, nuk ka ndonjë raport, se dikush e ka shituar, apo nëse është në pronësi të dikujt ky trup.

“Atë nuk e kanë varrosur kurrë, apo është nxjerrë dhe u largua prej aty përgjithmonë” thuhet në raportin e hulumtuesve, për faraonin që u nda nga jeta në vitin 1,370 Para Erës sonë. Faraoni që u ngjit të fron në moshën 17-vjeçare, udhëhoqi për një kohë të shkurtër, përplot me ngjarje kontroverse.

Akhenaten donte ta bindte popullin, se është vetëm një Zot. Shoqëria pagane nuk i bindej asnjëherë dhe pas shumë komploteve, ai ra nga froni për të vdekur në mënyrë të pa pritshme. Meqenëse egjiptianët e lashtë besonin në ringjallje, besohet se trupi tij u copëtua, që të mos rilindë ndonjëherë dhe të sjellë bindjet e caktuara.