SHPËRNDAJE

Aktivisti nga Medvegja, Muharrem Salihu ka bërë të ditur se janë mobilizuar asamblistët shqiptarë në Medvegjë, pas vendimit të Qeverisë së Kosovës, për të ndihmuar shqiptarët që jetojnë në Luginën e Preshevës, Medvegjë e Bujanoc.

Salihu këtë e bëri të ditur përmes një postimi në Facebook, ku tha se gjatë të martës kanë dorëzuar një kërkesë për planifikim të investimeve, ku u mbajtë edhe një takim mes përfaqësuesve shqiptarë dhe strukturave të udhëheqësve lokal.

“Gjatë takimit pati fërkime lidhur me mënyrën e kontrollit të investimeve, ku ne asambleistët shqiptare, kërkuam që në xhirollogari e cila do jetë e hapur veëtem për këtë rast si nën llogari bankare, të kemi edhe ne të drejtën e firmës dhe të mos jetë e menaxhuar vetëm nga perfaqësuesit e komunitetit serbë”, shkraun ndër të tjera Salihu.

Ai ka thënë se në lidhje me destinimin e këtyre mjeteve të ndara nga Qeveria e Kosovës, nuk ka pasur ndonjë kundërshtim.