SHPËRNDAJE

Lëvizja e Progresit Demokratik sot ka dalur me një njoftim ku ka njoftuar opinionin dhe simpatizantët e saj se pas vdekjes së liderit të LPD-së së shpejti do fillojn procedurat për zgjedhjen e kryetarit të ri të kësaj partie, pas vdekjes së themeluesit dhe kryetarit të saj Jonuz Musliu.

Në njoftimin e LPD-së thuhet – “Së shpejti do të fillojmë me procedurat për zgjedhjen e kryetarit të ri të LPD-së.
Ky subjekt, që tashmë i ka lëshuar rrënjët në këtë tokë, do të vazhdoj të mbetet subjekt politik frymëzues, unifikues dhe faktor vendimmarrës në Luginë të Preshevës. Koha për një fillim të ri, do të jetojmë me ideale dhe për ideale.”
LPD u themelua menjëherë pas Marrëveshjes së Konçulit dhe demilitarizimit të UÇPMB-së, me iniciativën e veprimtarit Jonuz Musliu, që ishte shefi politik i formacionit ushtarak në Luginë në vitin 2000 përballë regjimit të Millosheviqit.