SHPËRNDAJE

Pasi mjeku e paralajmëroi se nuk do të presë për ditëlindjen e 40-të, Emma Turner e dinte se ajo do të duhej të bënte diçka drastike në mënyrë që të vazhdojë të jetojë.

Kështu, sipas mediave të huaja, ajo humbi rreth 100 kilogramë dhe më në fund mori kontrollin e jetës së saj.

Siç bëhet e ditur, me një peshë prej 160 kilogramësh, me numrin e rrobave 62, mjekët e paralajmëruan atë se ajo ishte tepër e trashë dhe se trupi i saj nuk do të “përballonte” më.

Dhe kur ishte 38 vjeçe, Turner i kishin thënë se ajo nuk do të priste ditëlindjen e saj të 40-të.

Andaj, e gjendur në një situatë të tillë, ajo vendosi që të ndërmerrte diçka – gjë që ia vlejti.

Sot, 42-vjeçarja ka pamje krejt të ndryshme, pas humbjes së një pabesueshme të një peshe prej 101 kilogramësh.

“Nuk mund të besoj se si e kam lejuar veten të bëhem në një gjendje të tillë”, ka thënë së fundi Emma.

E gjitha, siç ka rrëfyer ajo kishte filluar që kur ajo ishte vetëm 16 vjeçe.

Me punën dhe makinën e saj të re, një adoleshente nga Melbourne, Australi, përqafoi lirinë e sapo krijuar.

“Shkoja në restorant dhe merrja gjithçka që doja. Në atë moment, filloi varësia ndaj ushqimit. Përveç kësaj haja darkë me familje dhe pas darkës vjedhurazi edhe diçka tjetër”.

Kështu, kur ajo u bë 18-vjeçe, ajo kishte arritur peshën prej 100 kilogramësh.

Gjithsesi, siç thuhet tutje, në prill të vitit të kaluar ajo kishte një tjetër operacion që përfshinte heqjen e lëkurës dhe forcimin e barkut, dhe në mars të këtij viti u gjend sërish “nën thikë”, për çështje estetike.