SHPËRNDAJE

Një këshilltar i presidentit iranian Hassan Rouhani mbrëmë hodhi një aluzion trishtues të një sulmi ndaj pasurive të presidentit amerikan, Donald Trump, në shenjë hakmarrjeje për vdekjen e komandantit ushtarak Qassem Soleimani.

Sipas mediave të huaja, përcjell Telegrafi, Hesameddin Ashena ndau një link me një artikull të Forbes ku renditën të gjitha pronat e Donald Trump në New York, hotelet dhe vendpushimet e tij në të gjithë Amerikën dhe jo vetëm.

Lista përfshinte vendpushimin Mar-a-Lago në Florida, ku presidenti po qëndronte kur urdhëroi sulmin ndaj Soleimani, si dhe hotelet në Uashington dhe Las Vegas dhe kullën e tij të New York.

Irani tashmë ka kërcënuar Shtëpinë e Bardhë dhe këshilltari i Rouhani deklaroi dje se problemi i vetëm i Teheranit është Trump, e jo populli amerikan – duke hedhur një aluzion tjetër të një hakmarrjeje të drejtpërdrejtë ndaj tij.

Autoritetet iraniane thuhet se kanë bërë të ditur se do të ofrojnë një shpërblim prej 80 milionë dollarësh për kokën e presidentit amerikan Donald Trump, pas vrasjes së gjeneralit Qasem Soleimani.

Teherani është betuar për hakmarrje për vdekjen e Soleimani dhe dje njoftoi se po braktiste marrëveshjen e vitit 2015 rreth zhvillimit të armëve bërthamore.

Ndërsa duke folur para turmave, vajza e komandantit ushtarak Zeinab deklaroi se ‘familjet e ushtarëve amerikanë në Lindjen e Mesme do të kalojnë ditët e tyre duke pritur për vdekjen e fëmijëve të tyre’.

Trump ka kërcënuar hakmarrjen e tij nëse Irani godet objektivat e SHBA, duke paralajmëruar një ‘përgjigje joproporcionale’ duke përfshirë vendet kulturore.

Gjithashtu, ai gjatë ditës ka bërë një postim në rrjetet sociale duke thënë se Irani nuk do të ketë kurrë armë bërthamore.