SHPËRNDAJE

Jordan Pickford ka reaguar rreth golit që pësoi në FA Cup nga talenti i Liverpoolit, Curtis Jones.

Evertoni u eliminua nga gara e dytë më e rëndësishme në Angli me golin e vetëm që shënoi 18-vjeçari i The Reds.

Dyshja ishin takuar pas ndeshjes në tunel, derisa kishin shkëmbyer disa fjalë.

“Jones, një gjuajtje e mirë. Më pëlqeu ajo çfarë bëre”, i ka thënë Pickford anëtarit të Liverpoolit.

Mesfushori kishte pranuar topin nga Divock Origi, derisa gjuajti jashtë zonës së rreptësisë së Toffes.

Jones kishte zbuluar pas ndeshjes se e kishte lutur Jurgen Kloppin që ta fuste në lojë dhe më pas arriti ta shpërblente besimin që i kishte dhënë trajneri gjerman.