SHPËRNDAJE

Secila amvisë e di që nuk është e lehtë të pastrohen dritaret, pasqyrat dhe dyert e furrës së shporetit, sepse njollat vazhdimisht ngjiten në xhama

Prandaj amvisat përdorin mjete të ndryshme kimike, ndërsa disa përdorin përbërës natyralë.

Një amvisë ka zbuluar një truk gjenial për pastrim të xhamit të mikrovalës, furrës së shporetit ose pasqyrën, për të cilin me siguri askujt nuk i ka rënë në mend.

Në të vërtetë, ajo është pjesë e një grupi të Facebook-ut “Mrs Hinch Cleaning Tips”, i cili numëron 365.000 anëtarë.

Ajo ka shpjeguar se si zhduken përnjëherë njollat.

“Kam qitur një qese të vogël çaji të zi në ujë të nxehtë dhe e kam lënë që çaji të ftohet. Pastaj e kam njomur një kënd të peshqirit të letrës në çaj të ftohur dhe me të kam pastruar xhamin e mikrovalës.”

Pastaj me të ka pastruar pasqyrën, tavolinën e qelqtë dhe pllakën për zierje.

Se a funksionon vërtet ky truk kanë konfirmuar edhe shumë përdoruese të Facebbok-ut, të cilat i kanë postuar komentet e tyre nën tekstin e publikuar.

“Dje e kam provuar këtë truk dhe vërtet funksionoi”, “Çaji i ftohtë është super! Me këtë kam pastruar të gjitha dritaret, madje edhe tosterin tim”.