SHPËRNDAJE

LSDM është aktive në përpilimin e listave zgjedhore. Zaev se fundi tha se në lista do të ketë barazi gjinore 50:50, por deklaroi që LSDM nga parti maqedonase sot është parti multietnike. Kjo lë të kuptohet se ne listat zgjedhore do te ketë kandidat edhe të kombësive tjera.

“Me vendim të bordit qendror dhe me rekomandimet, listat do të jenë tërësisht të balancuara. Nga 50 përqind do të ketë nga të dyja gjinitë”, pohoi Hari Llokvenec.

Në LSDM, është duke u zhvilluar debat rreth listave zgjedhore dhe se nënkryetari i kësaj partie Muhamet Zekiri, insiston që të jetë bartës në njësinë zgjedhore 6, ku dëshiron të përballet me Ali Ahmetin. Nga LSDM, nuk janë shumë të kënaqur me këtë propozim dhe nga atje thonë se bartësi në NJZ 6 duhet të jetë lider i partisë shqiptare me te cilën LSDM do të shkojë ne koalicion parazgjedhor.

Burime të LSDM-së thonë p se Muhamet Zekiri mund te jetë i 3-ti ne NJZ nr. 2, ku bartës duhet te jetë kryeministri teknik Oliver Spasovski. Zekiri ka thënë  se ende është herët dhe se askush nuk e di se ku do të garojë.